Molusad ang Department of Labor and Employment (DOLE) og mga job fair sa tibuok nasod karong Mayo 1 isip kabahin sa selebrasyon sa Labor Day. Matud kang DOLE Secretary Bienvenido Laguesma, kini nga inisyatiba importante isip tubg sa pinakaulihi nga Labor Force Survey nga nagrekord sa gamay nga pagtaas sa unemployment kaniadtong Pebrero 2025.
Dugang pa niini nga ang job fairs abri sa mga graduate sa mga programa sa gobyerno, apil na ang mga mag-uuma, senior high school graduates, ug walay trabaho nga mga trabahante nga nagkinahanglan og pagbansay pinaagi sa Technical Education and Skills Development Authority (TESDA), Department of Education (DepEd), ug Commission on Higher Education (CHED).
Giingong nakig-alayon usab ang DOLE sa ubang ahensya susama sa Department of Social Welfare and Development (DSWD), ug Department of Health (DOH), nga maghatag usab og serbisyong panginabuhian ug panglawas..
