Giklaro sa Department of Justice (DOJ) nga walay gitumbok nga partikular nga grupo o personalidad ang imbestigasyon kabahin sa kaso sa mga nawala nga sabungero, apan nakabase kini sa ebidensya.
Gibutyah ni DOJ Undersecretary Raul Vasquez nga ang ilang imbestigasyon dili personal, ug wala kini agenda nga politikal o personal, kondili pagsunod lang sa ilang tahas nga makahatag ug hustisya.
Gikumpirma ni Vasquez nga nagpadayon ang pagpanghipos sa mga ebidensya nga may kalabutan sa krimen sa pagkawala sa mga sabungero, aron mas lig-on ang kaso nga ilang isampa batok sa mga responsable.
Gitinguha sa DOJ nga masiguro ang hustisya, pinaagi sa maligdong nga proseso sa korte batok sa mga indibidwal nga matudlong adunay directang kalambigitan sa maong kaso.
Nakahatag na usab og direktiba si Pangulong Ferdinand Marcos Jr. sa mga otoridad nga maglunsad og lawom ug hapsay nga imbestigasyon, aron mapanagot sa balaod ang mga nagpaluyo sa maong krimen.
Padayon ang paningkamot sa mga ahensya sa gobyerno aron mabungkag ang mga pasangil nga grupo o sindikato nga posibleng may kalambigitan sa serye sa pagkawala sa mga sabungero, nga nagbilin og kasakit ug kahadlok sa ilang mga pamilya.
