-- ADVERTISEMENT --
Gipataas sa Department of Health (DOH) ang Code White Alert gikan Abril 13 ngadto sa Abril 20 isip pagpangandam sa posibleng mga insidente karong Semana Santa.
Ang Code White Alert gipatuman atol sa dagkong o nasudnong mga panghitabo aron masiguro nga ang mga ospital ug mga medical personnel, ilabina sa emergency ug critical care units, andam sa higayon nga modaghan ang mga pasyente tungod sa mga aksidente, pagkasamad, o epekto sa grabeng kainit.
Giawhag ni Health Secretary Ted Herbosa ang publiko nga mag-amping sa pagbiyahe ug likayan ang sobrang init aron malikayan ang heat stroke.
Dugang pa niya nga naka-standby ang mga tambalanan sa DOH sa pagtubag sa bisan unsang medikal nga panginahanglanon karong Semana Santa.
