Nagkauyon na ang Department of Migrant Workers (DMW) ug ang Technical Education and Skills Development Authority (TESDA) aron mapauswag ang kahanas ug trabaho sa mga Overseas Filipino workers (OFWs).
Gipangunahan ni DMW Secretary Hans Leo Cacdac ug TESDA Director-General Jose Francisco Benitez ang pagpirma diin 249 ka scholarship training certificates ang gi-isyu alang sa mga napiling benepisyaryo.
Matod ni Cacdac, ang katuyoan sa maong kasabotan mao ang pagtabang sa mga OFW ug ilang pamilya pinaagi sa mga training program ug scholarship grants.
Ang DMW mopasiugda ug mga programa sa pagbansay, samtang ang TESDA mohatag ug kahanas sa pagbansay ug sertipikasyon alang sa mga OFW ug ilang mga pamilya.
Sa katapusan, gipasalig ni Cacdac nga maatiman ang kaayohan sa pamilya sa mga OFWs, sumala sa mandato ni President Ferdinand “Bongbong” Marcos Jr.
