GENERAL SANTOS CITY – Nanghinaut si Atty. Rey Cartojano, co-anchor sa Duralex Sedlex sa Bombo Radyo GenSan nga pinaagi sa gimugna nga bag-ong ahensya sa gobyerno nga Department of Migrants Workers (DMW) sa pagpanguna ni Sec. Toots Ople nga mahatagan og hustisya ang kamatayon sa Jullebee Ranara.
Gimugna ang maong ahensya aron nga magtutok sa mga interes sa mga OFWs.
Sa pamahayag pa niini nga dako ang risgo sa usa ka OFW nga magtrabaho sa gawas sa nasud.
Gikadugang pa niini nga dili mapugngan ang mga pinoy nga mag-abroad tungod mas dako ang madawat nga suweldo itandi sa Pilipinas.
Kahinumduman nga gipatay si Ranara sa 17-anyos nga anak sa iyang amo kung asa ang iyang lawas nakit-an nga gisunog ug gibiyaan sa desyerto sa Kuwait kung asa nakauli na ang iyang bangkay sa Pilipinas.
