Pormal nang gi-dismiss sa serbisyo ni District Engineer Brice Hernandez gikan sa Department of Public Works and Highways (DPWH).
Ang maong aksyon resulta sa pormal nga imbestigasyon ug administrative case nga gilatid batok kaniya.
Sumala sa nahipos nga impormasyon, si Hernandez giingong nalambigit sa kontrobersyal nga isyu may kalabotan sa implementasyon sa dagkong proyekto sa imprastruktura sa rehiyon.
Human sa pipila ka bulan nga imbestigasyon, gipatuman na sa DPWH Central Office ang pinal nga desisyon sa iyang pagkadismiss.
Ang maong kalihokan nagtimaan nga hugot na ang kampanya sa ahensya batok sa mga kawani nga malambigit sa iregularidad.
Sa laing bahin, gilauman nga kini mahimong ehemplo alang sa uban pa nga opisyal ug empleyado sa DPWH nga magpabilin nga matinud-anon sa ilang serbisyo publiko.
Sa pagkakaron, wala pa nagpagawas og opisyal nga pamahayag si Hernandez kalabot sa iyang pagkadismiss.
