Dili mahimong rason ang dili pag-apil sa defense team ni Bise Presidente Sara Duterte aron mapahunong ang impeachment trial batok kaniya, basta adunay quorum ang Senate Impeachment Court.
Kini ang gipatin-aw sa mga legal expert ug sa pamunuan sa impeachment court samtang nagpadayon ang mga pagdungog sa kaso.
Sumala sa mga eksperto, kon pormal nang nagsugod ang impeachment trial ug kompleto ang gikinahanglang quorum sa mga senador isip impeachment judges, mahimo gihapon nilang ipadayon ang pagdungog sa ebidensya ug mga testigo.
Ang pag-absent sa defense team dili usab mahimong gamiton isip basehan aron maantala ang constitutional process.
Apan kon pilion sa kampo ni Duterte nga dili motambong, mawad-an sila sa oportunidad nga maka-cross-examine sa mga testigo sa prosecution ug makaapil sa pipila ka bahin sa proceedings.
Samtang, mag-agad gihapon sa mga sunod nga lakang sa defense team kon mopadayon ba sila sa pag-apil sa mga hearing o mogamit sa ilang mga legal nga remedyo
