Dili muobos sa 2,000 ka pamilya ang nawad-an ug pinuy-anan tungod sa lapad nga sunog nga natigayon sa Isla Puting Bato sa Tondo, Manila, kagahapong adlawa.
Sumala kang Senior Inspector Alejandro Ramos, intelligence and investigation chief sa Manila Fire Department, gilamoy sa kalayo ang mukapin usa ka libu ka mga balay dihang moiulbo ang kalayo alas otsos a buntag.
Nagdeploy ang Philippine Air Force ug duha ka aircraft aron mutabang sa pagpalong sa kalayo samtang upat ka dugang fire boats ang gigamit.
Matud ni Ramos nga kasagaran sa mga balay ang ginama sa light, combustible materials, nga panag-iya sa mga informal settlers. Ang makusog nga hangin maoy hinungdan nga dali mikatag ang kalayo nga miugdaw sa mga panimalay.
Gani tungod sa kadako sa kalayo nagresponde ang mga firetruck sa tibuok Metro Manila .
Dili pa masulti ang ihap sa namatay samtang daghan nga firefighters ang nakaangkon ug samad gumikan sa maong sunog.
