Gipaklaro ni Interior Secretary Jonvic Remulla ang iyang naunang pahayag may kalabotan sa pag-search sa mga balay sa mga gun owner sa nasud.
Matud sa Kalihim, dili na kinahanglan og search warrant alang sa maong pag-inspeksyon.
Dugang pa niya, ang mga gun owner mopirma og waiver nga nagpasabot nga nagtugot sila sa mga kapulisan nga mobisita sa lugar kung asa gibutang o gitago ang ilang mga armas.
Tumong sa maong lakang nga masiguro nga luwas ang lugar diin gitipigan ang mga armas ug dili kini basta maabot sa mga menor de edad.
Gipahinumdom nga sa pipila ka insidente sa pagpamusil sa mga eskwelahan, dali nga nakakuha ug nakagamit ang mga menor de edad sa mga armas nga gipanag-iya sa ilang mga ginikanan o paryente, nga nahimong hinungdan sa pagkahitabo sa krimen.
