Giawhag ni Senador Sherwin Gatchalian ang Department of Information and Communications Technology (DICT) nga paspasan ang pagpatuman sa tibuok National Fiber Backbone (NFB) project aron mapalapdan ang access sa libreng Wi-Fi alang sa publiko, nga makatabang sa mas daghang tawo sa tibuok nasud ang magkonektar sa internet.
Matod ni Gatchalian, importante nga dali nga mapatuman ang proyekto aron masiguro nga ang tanang Pilipino makasinati ug kasaligang internet, ilabi na sa mga hilit nga lugar ug mga komunidad nga wala kaayoy serbisyo.
Gitataw pa sa senador nga ang kasaligang internet access dili na angay isipon nga luho kon dili importanteng serbisyo alang sa patas nga pag-access sa edukasyon, trabaho, ug serbisyo publiko.
“Sa kasalukuyan, umaasa ang gobyerno sa mga third party provider para magbigay ng internet access sa iba’t ibang proyekto ng DICT tulad ng government network project at free public internet access project. Ngunit kapag ganap nang natapos at na-maintain nang tama ang national fiber backbone, hindi na kailangang umasa ang gobyerno sa mga panlabas na provider. Ito ay magdudulot ng mas maaasahan, secure, at mas malawak na free Wi-Fi dahil ang imprastruktura ay pag-aari at pinangangasiwaan na ng gobyerno, na magtitiyak ng mas malawak na access para sa lahat,”
Ang proyekto sa National Fiber Backbone, nga usa ka dakong bahin sa National Broadband Program nga gipatuman sa DICT, naglakip sa pag-andam sa gibana-bana nga 6,275 kilometros nga fiber optic cable, lakip ang mga submarine cable ug microwave radio links.
Ang Phase 1 sa proyekto gilusad niadtong Abril ning tuiga, samtang ang Phase 2 ug 3, nga naglangkob sa Northern Luzon ngadto sa Bicol ug mga bahin sa Visayas ug Mindanao, gisugdan ug gilauman nga mahuman sa sayong bahin sa sunod tuig
Ang Phase 4 ug 5, ubos sa Philippine Digital Infrastructure Program, mopalapad sa connectivity sa tibuok Visayas ug Mindanao samtang ang Phase 6 makaabot sa pinakalayo nga mga probinsya.
