Derek Ramsay, nagpabiling hilom sa rebelasyon ni Ellen Adarna

Nagpabiling hilom ang aktor nga si Derek Ramsay sa mga sunod-sunod nga rebelasyon sa iyang estranged wife nga si Ellen Adarna.

Sa usa ka pamahayag, gibutyag ni Derek nga dili kini makig-atubang sa maong isyu ug miingon, “If this brings her peace so be it”.

Matod pa sa usa ka suod nga higala sa aktor, naandan na ni Derek ang paglikay sa gubot, sama sa higayon nga mas gipili pa niini ang mopuyo sa condo kaysa sa iyang kaugalingong balay aron lang mahatagan og higayon ang iyang kanhi partner nga makabalhin og puyo.

Bisan pa man sa mga pasidaan sa iyang mga higala kaniadto, gipakita sa aktor nga mas prayoridad niini ang kalinaw sa maong sitwasyon.