GENERAL SANTOS CITY – Usa ka maayong lakang ang gihimo ni Pangulong Rodrigo Duterte nga gisuspenso ang pagpadala sa mga Overseas Filipino workers o OFW’s sa Kuwait.
Kini ang gibutyag ni Marilyn Jamero, kinsa Officer-in-Charge sa Overseas Workers Welfare Administration kon OWWA 12 sa pakighinabi sa nasampit atol sa programang Good morning Philippines.
Matud pa niini, samtang temporaryong gihunong ang deployment sa mga OFW sa Kuwait mas maayong matun-an og ma-istoryahan sa gobyerno sa Pilipinas og sa Kuwait kung unsa ang mga angayang himoon aron malikayan ang mga pagpangabuso sa mga OFWs.
Gibutyag ni Jamero nga lakip sa suspension ang ‘first time’ nga magtrabaho sa Kuwait.
Samtang wala pa silay gihuptan nga abiso gikan sa central office kung tugutan ba gihapon nga makapadayon sa pagtrabaho sa Kuwait bisan og may Overseas Employment Certificate na ang OFW.
Giklaro ni Jamero nga ang didto karon sa Kuwait og nagbakasyon lang ang dili lakip sa suspension ni Pangulong Duterte.
