Department of Agriculture , nagplano nga mo-import og 8,000 MT nga isda

Gikumpirma sa Department of Agriculture ang plano niini nga mag-import og dugang suplay nga isda alang sa bulan sa Disyembre.

Sa usa ka pamahayag, niingon si DA Spokesperson Asec. Arnel de Mesa nga sa pagkakaron ilang gitun-an ang importasyon sa 8,000 MT nga isda.

Matod ni De Mesa, dako og epekto ang bagyo sa sektor sa pangisda sa nasud.

Base sa datus sa DA, niabot og dul-an sa usa ka bilyon ang damyos sa bagyo sa giila nga sektor.

Matod niya nga ang plano sa importasyon makatabang sa pagmintina sa presyo sa isda sa mga merkado.

Partikular sa mga isda nga galunggong, mackerel, bonito ug uban pang pelagic fish nga target nga moabot sa nasud karong Disyembre..