Nagsulti si Denmark Prime Minister Mette Frederiksen kang U.S. President Donald Trump nga dili nila ibaligya ang Greenland sa Amerika.
Kini human ang kontrobersyal nga sugyot ni Trump, nga nagingon nga panag iya sa U.S. sa Greenland ang usa ka ‘absolute necessity’ ug nagbahad nga mugamit ug pwersa sa militar o economic force aron makuha kini.
Nahitabo ang panag storya sa usa ka 45 minuto nga phone call kang Trump, kung asa gihingusgan ni PM Frederiksen ang mahitungod sa estratehikong importansya sa pagkuha sa isla.
Niadtong 1721, nakuha sa Denmark ang maong isla. Sa misunod nga mga tuig, ang Greenland nahimong kolonyal nga teritoryo sa Denmark. Sa 1953, ang Greenland nahimong bahin sa Kingdom sa Denmark isip bahin sa Danish Realm, ug dili usa ka kolonya.
Kaniadtong 2009, ang Greenland mihimo ug makasaysayanong lakang sa dihang mipasar kini ug balaod nga naghatag ug katungod sa isla sa pagdesisyon sa iyang kagawasan pinaagi sa usa ka publikong pag boto, nga naghimo niini nga self-governing territory sa Denmark .
Kalabot niini gipasabot ni Frederiksen nga ang kaugmaon sa Greenland anaa sa mga kamot sa mga tawo niini, uban sa Greenlandic Parliament chairman Múte Egede nag-ingon nga wala gina baligya ang Greenland .
Namatikdan usab ni Frederiksen ang padayon nga kontribusyon sa Greenland sa seguridad sa US, labi na pinaagi sa ilang relasyon sa North Atlantic Treaty Organization (NATO), ingon man ang importansya sa Greenland sa seguridad sa Arctic.
Ang mga komento ni Trump bahin sa Greenland nakadawat ug pagsaway gikan sa pipila nga mga sektor, nga nagpasidaan nga kini mahimong hinungdan sa tensiyon sa mga relasyon sa US ug Denmark.
Dugang pa, nagpataas sila og mga kabalaka bahin sa posible nga geopolitical nga mga sangputanan, labi na sa pag-atubang sa pagtaas sa tensyon tali sa mga global superpower country.
Samtang, ang chairman sa Greenlandic Parliament nga si Egede mipamatuod pag-usab sa iyang suporta alang sa katungod sa isla sa independensya, bisan pa nga iyang gipahayag ang iyang tinguha nga magpadayon sa pagtrabaho uban sa Estados Unidos apan giila usab ang makahahadlok nga panag-away tali sa dagkong mga nasud nga makaapekto sa kaugmaon sa Greenland.
