Malinawon nga napatuman sa Municipal Trial Court Branch 3 kuyog sa mga otoridad ang pagguba sa mukapin usa ka gatus ka balay sa Purok five Lanton, Apopong ning syudad.
Atul sa pagtapos sa writ of demolition kagahapong adlawa sa 150 ka balay sa luna nga panag-iya sa pamilya Celia.
Matud ni Police Major Robert Fores, labaw sa Makar Police station nga adunay pipila ka panimalay ang wala gitandog human gitugutan ni presiding judge Carolyn Lorenzo-Tanudtanud nga magpabilin sa lugar.
Mukabat usab sa 218 ka pamilya ang apektado sa demolisyon ang mipahawa sa lugar dala ang pipila ka mapuslang bahin sa ilang balay.
Una na nga gipaklaro sa mga opisyal sa barangay Apopong nga walay relocation alang sa mga na demolish tungod dili kwalipikado sa Urban Development and Housing act tungod Illegal ang ilang presensya sa lugar.
Niadtong adlaw nga martes gipatuman ang upat ka adlaw nga writ of demolition ug natapos kagahapong adlawa. Una nga gibutyag sa kapulisan nga generally peaceful ang gipatuman nga demoliton kauban ang Joint task Force Gensan , SWAT, EOD, City Mobile Force ug Bureau of Fire protection.
Alas tres kagahapong adlawa pormal nga gisiradhan sa tag-iya sa luna ang lugar ug gibutangan ug paskin nga private property aron wala nay makasulod pa nga mga Illegal setllers.
