GENERAL SANTOS CITY – Mularga na ugmang adlawa ang delegasyon sa Region 12 alang sa matigayon nga National Festival of Talents (NFOT) nga ipahigayon sa Ilagan City, Isabela.
Gibutyag ni GenSan Deped Supt. Romel Flores nga ang delegasyon sa Region 12 sa bayle sa kalye ang gikan sa General Santos City National High School sa Calumpang.
Kahibaluan nga gisuspenso ang maong aktibidad sa deped gumikan sa bahad sa COVID 19.
Ang delegasyon ang musakay sa eroplano padulong sa kauluhan.
Ang NFOT ang gikatakda sa Marso 9 to 13 sa Ilagan City, Isabela.
Samtang ang National Science Technology Fair (NSTF) nga laing aktibidad ang ipahigayon sa Marso 2 to 6 sa Cubao, Quezon City.
Ang National School Press Conference (NSPC) nga lakip nga nasuspenso gumikan sa COVID 19 ang subli nga gikatakda sa Marso 9 hangtud 13, 2020 sa Tuguegarao City.
