Wala pa gikonsidera sa Pilipinas ang pagpatuman og military action batok sa China bisan pa sa mga tensiyon ug insidente sa West Philippine Sea.
Gipahayag ni Defense Secretary Gilberto “Gibo” Teodoro Jr. nga padayon nga gigamit sa gobyerno ang diplomatikong mga paagi ug internasyonal nga balaod sa pagpanalipod sa soberanya ug sovereign rights sa Pilipinas.
Matud ni Teodoro, gipalig-on usab sa Pilipinas ang defense capabilities ug mga security partnership niini samtang nagpadayon ang mga insidente sa West Philippine Sea. Lakip niini ang regular nga operasyon sa mga ahensya sa gobyerno sa maong katubigan.
Samtang, padayon ang mga insidente tali sa mga barko sa Pilipinas ug China. Niadtong Setyembre 24, giingon sa National Task Force for the West Philippine Sea nga gibabagan sa China Coast Guard ug People’s Liberation Army Navy ang usa ka Philippine rotation and resupply mission ngadto sa Ayungin Shoal.
Gibatikos usab sa gobyerno ang insidente niadtong Setyembre 18 diin nabangga sa China Coast Guard ang BFAR vessel nga BRP Datu Magat Salamat samtang naghatod og fuel subsidy ngadto sa mga Filipino fisherfolk.
