GENERAL SANTOS CITY – Naka post na sa social media page sa dakbayan nga walay trabaho sa Abril dyes isip pagtamod sa pagtapos sa ramadan sa mga Muslim kon Eidl Fitr nga usa ka regular holiday.
Karon pa lamang gimantala na sa LGU isip pahibalo nga hatagan ug higayon ang feast of Ramadan ug sa maong adlaw adunay dakong hikay ang mga Muslim pinaagi sa pagpanghatag ug karne ug pagpahigayon ug pagpasalamat.
Una nga nagpagawas sa Proclamation number 514 si President Ferdinand Marcos Jr nga holiday ang Abril dyes isip regular holiday aron i obserba ang pagtapos sa puasa.
Tumong niini nga mahatagan ug pag-ila ang relihiyuso ug kultura sa tinuig nga dakong hikay sa pagtulun-ang Islam.
Ang maong proklamasyon ang gipagawas kagahapong adlawa Abril kwatro pinaagi ni Executive secretary Lucas Bersamin.
