Dakbayan may igong kwarta nga ipalit sa relocation sites alang sa mga nasunugan

Adunay kwarta ang lokal nga gobyerno aron ipalit sa mga relocation sites sa dakbayan.

Matud pa kang Atty. Arman Clarin, City Legal Officer nga may mga technical og legal issues ang mga yuta nga gitanyag sa syudad o kaha gikatakda nga paliton.

Dili pwede nga paliton sa syudad nga may problema ang yuta tungod mag-atubang og kaso.

Gawas pa niini giproteksyonan usa sa syudad ang katawhan nga mahimong benepisyaryo.

Subli nga nahimong hisgutanan ang relocation human nga nasunog ang balay sa mga residente sa Saeg, Calumpang nga dili na pwede makabalik.

Ang maong area ang gipanag-iyahan sa usa ka pribadong indibidwal nga taga South Cotabato.

Sa plano sa syudad nga duha ang ilang opsyon nga paliton ang maong lugar o kaha mangita og relocation site.