Hugot ang gihimong pagbantay sa dakbayan aron nga dili makasulod ang bir flu virus.
Matud pa kang Dr. Antonio Marin, department head sa City Veterinary Office nga sa ilang gikuha nga mga samples sa nagkadaiyang mga poultry farms sa dakbayan nasuta nga negatibo ang laboratory result.
Sumala pa ni Marin nga gumikan sa maong resulta pwede nga makabaligya og itlog og mga poultry products ang dakbayan sa laing mga lugar.
Ang iyang apila sa katawhan nga magreport sa City Vet kung may mga kadudahan nga namatay ang mga manok, pato, bibi, gansa og laing mga poultry aron nga makahimo gilayon og aksyon ang ilang opisina.
Kahibaluan nga sa Sultan Kudarat natala ang kaso sa bird flu sa region 12 kung asa may namatay nga mga pato.
Gituohan nga natakdan sa langgam gumikan sa maong lugar may sanctuary sa mga migratory birds.
