GENERAL SANTOS CITY- Nagpabilin nga nanguna sa tibuok region 12 ang General Santos nga may labing daghan nga kaso sa dengue .
Kini ang gibutyag ni Dr Lalaine Calonzo, OIC City Health Officer sa pakighinabi kaniya sa Bombo Radyo.
Apan luyo sa maong sitwasyon giankon ni Calonzo nga miubos ug 28 percent ang maong ihap sa mga nagka dengue kumpara sa nakalabay nga tuig nga anaa sa 3,243 ka kaso kumpara sa kasamtangan nga anaa na lamang sa mukapin dos mil ka mga kaso.
Matud ni Dr Calonzo nga miaging tuig adunay 20 ang namatay samtang karon nga tuig anaa na lamang sa onse ang fatality .
Usa sa hinungdan nganong miubos ang ihap sa kaso sa dengue tungod milihok na ang 26 ka Barangay aron makontra ang dengue pinaagi sa pag activate sa Dengue task force.
Gania ng syudad mipalit ug larvaecide nga ginabobo sa kanal aron hingpit mamatay ang mga lamok.
Nagpadayon usab ang information dessimanation sa mga barangay lakip sa mga subidivision.
