GENERAL SANTOS CITY – Daghan ang migukod sa last minute nga pagparehistro sa mga botante nga buot maapil ang pangalan sa voters list sa 2025 midterm elections apan wala na hatagi pa ug pormas sa COMELEC human nag cut off pipila ka oras una ang gitakda nga deadline nga alas singko sa hapon.
Matud ni City Comelec officer Atty Sharmaine Garangan nga makadismaya ang gipakita nga performance sa mga nagparehistro tungod sa pito ka bulan nga pagpaabot sa mga buot magparehistro didto na nagdasok atul sa ulahing adlaw.
Pagsaysay niini nga sukad sa Pebrero dose hangtud Septembre 30 nagpahigayon ang ilang buhatan ug satellite registration sa tanang nga barangay, nagpahigayon usab ug mall registration matag bulan, gawas pa sa special satellite registration apan wala mapuno ang venue.
Gikadugang ni Atty Garangan may special registration matag adlaw nga sabado ug holiday apan wala matud pay miadto.
