Gikatakda nga pamub-an na usab sa Department of Agriculture (DA) ang maximum suggested retail price (MSRP) para sa imported rice sugod sa sunod bulan sa Hulyo.
Kini ang sunod sa direktiba ni President Ferdinand Marcos Jr. nga magpadayon sa pagpangita og paagi aron nga mabuhinan ang pas-unon sa Filipino consumers.
Sumala kang Agriculture Secretary Francisco P. Tiu Laurel Jr., mahimo nga implementar ang P43 kada kilo nga MSRP sugod sa Hulyo 1.
Gikan kini sa ginapatuman karon nga P45 kada kilo.
Kahinumdoman nga una nga gipatuman kini nga lakang kaniadtong Enero kun asa nagsugod ang MSRP sa P58 kada kilo hangtod nga nag-ubos pa sa P45 kada kilo kaniadtong Marso 31.
Nagalaum usab si Secretary Tiu Laurel sa susama usab nga adjustments sa presyo sa bugas ilawom sa ‘Rice-for-All program’.
