GENERAL SANTOS CITY– Gipaklaro ni Dr . Jett Oco, labaw sa City Health Office sa dakbayan nga mahimong epektibo ang bakuna batok sa COVID 19 duha ka semana human ang second dose.
Matud pa ni Dr. Oco nga kini ang usa sa mga tumong nga giuna sa pagbakuna ang mga health workers gawas nga sila ang gaatubang sa mga pasyente sa COVID 19 o kaha posible carrier sa maong sakit.
Sa iyang pamahayag nga daghan usab sa mga health workers ilabi sa Rural Health Unit ang maoy magbakuna oras sugdan ang mass immunization.
Samtang nagpasalamat si Dr. Oco gumikan daghan ang naagni nga magpabakuna batok sa COVID 19 human nga nagpabakuna ang mga iladong doktor sa dakbayan.
Kahibaluan nga unang nag-abot sa syudad ang kapin sa 3, 000 ka mga Sinovac vaccine og gisundan sa 840 doses sa Astrazeneca og laing 1190 doses sa Astrazeneca.
