GENERAL SANTOS CITY- Magpadala ug contingency unit nga vote counting machine ang COMELEC alang sa May 9, 2022 elections.
Kini ang pagpaklaro ni Atty. Jose Villanueva, assistant regional director sa Comelec 12 nga may contigency units nga gamiton kung may VCMs nga dili muandar aron gamiton sa election.
Hinoon ang SD card sa daut nga VCMs ang gamiton ang ibutang sa nadaut nga VCM aron magpadayon ang piniliay.
Apan ang tanang proseso ang ipahibalo og ipakita sa matag partido aron nga dili madudahan ang resulta sa piniliay.
Kahibaluan nga takda na nga muabot ang VCMs human nga gisugdan na sa Comelec main office ang pagpadala sa nagkadaiyang bahin sa nasud.
Giangkon ni Atty. Villanueva nga kadtong mga VCMs nga gigamit sa training sa electoral board ang uban ang nadaut gumikan dugay na.
Hinoon mipasalig ang Comelec nga dugangan ang contigency units sa VCMs nga ilang ipadala.
