Gipanghimakak ni Coco Martin ang mga tsismis nga bulag na sila sa iyang longtime talent manager nga si Biboy Arboleda tungod sa isyu sa kwarta.
Atol sa pag-abli ug digital launching sa usa ka fast food chain sa Iloilo City kagahapon, Agosto 31, si Coco mismo niingon nga dili tinuod ang maong balita.
Nag-ugat ang espekulasyon human namatikdan sa pipila ka netizens nga wala na gi-follow ni Coco ang iyang manager sa Instagram.
Si Coco Martin usa sa mga top talents ubos sa pagdumala ni Arboleda, uban nila ni Judy Ann Santos, Jodi Sta. Maria, Cherry Pie Picache, Rodrick Paulate, Amy Perez, ug Maricel Soriano.
Sa laing bahin, mihatag usab og pamahayag si Coco bahin sa iyang real-life partner nga si Julia Montes nga nahimong co-producer sa iyang long-run teleserye.
Opisyal nga nahimong kabahin sa production team si Julia alang sa ika-650 nga episode sa nahisgutang serye.
Una sa tanan, sobra na sa 12 ka tuig nga panag-uban sila Coco ug Julia Montes, ug kung mahinumdoman, kaniadtong Mayo 2023 pa lang kini gikumpirma sa aktor ngadto sa publiko.
