GENSAN – Posibleng maapektuhan ang mamahimong away ni eight division world champion ug Sen. Manny Pacquiao sa Argentine nga si Lucas Matthysse sa June 24.
Kini ang gibutyag sa Bombo Radyo sa boxing analyst nga si Arnel Antiporda, kung ugaling tinuod man ang nanggawas nga report nga dili na lakip si Coach Freddie Roach sa mamahimong training camp ni Pacquiao isip pagpangandam sa umaabot nga away.
Apan duda matud pa si Antiporda nga mahitabo kini, hilabi pa nga gikonsidera na matud pa sa Pinoy ring icon si Roach isip amahan sa boksing.
Sumala pa nga daw sa ginaabot na lamang usab sa Hall of Famer coach nga magretiro si Pacquiao, una kini magretiro.
Kini gumikan maihap na lamang matud pa ang mga musunod pang away sa fighting senator.
Hinungdan nga gatuo matud pa si Antiporda nga dili biyaan ni Roach si Pacquiao, sa mga nahibiling away sa boxing career niini, gawas na lang kon may bug-at gayud nga rason.
