GENSAN – Ginalauman ni Coach Melvin Palos, ang Arnis coach sa Nueva Ecija, nga makasungkit og mga medalya ang iyang grupo sa kompetisyon sa arnis.
Matod pa ni Coach Palos, aduna gyud bentaha ang ilang team tungod sa Special Program in Sports (SPS) nga gipatuman sa ilang lugar.
Pinaagi niini, makapahigayon sila og duha hangtod tulo ka oras nga regular training matag adlaw, ug usahay nagadugang pa sila og special training matag Sabado aron mas mapalambo pa ang abilidad ug teknik sa ilang mga atleta.
Gipasabot usab ni Coach Palos nga dakong tabang ang maong programa nga magtudlo kanila og disiplina, kusog, ug determinasyon sa mga kabatan-onan nga gusto mosulod sa natad sa arnis.
Galaum si Coach Palos nga pinaagi sa padayon nga suporta ug maayong preparasyon, makab-ot sa Nueva Ecija Arnis Team ang ilang tumong nga makadaog ug mga medalya ug mapakita ang ilang kahanas sa nasodnong entablado.
