Supreme Court Chief Justice Lucas Bersamin
GENERAL SANTOS CITY – Personal nga gibisita ni Supreme Court Chief Justice Lucas Bersamin ang mga hall of justice sa GenSan ug Sarangani, Abril 29, Lunes.
Kauban niini si Court Administrator Midas Marquez, mitambong sila sa inagurasyon sa bag-ong tukod nga archive building sulod sa compound sa Hall of Justice sa Brgy Lagao ning siyudad.
Nakahimamat sa Punong Hukom ang mga huwes sa pagpanguna ni Chief Executive Judge Panambulan Membiza, apil ang mga lokal nga opisyal sa GenSan.
Sa iyang pagpamulong, gihisgutan usab ni Bersamin ang P10 milyon nga pondo gikan kang Senador Manny Pacquiao nga gigahin alang sa pagpatukod sa naasoy’ng archive building.
Dungan niini, misaad si Chief Justice Bersamin nga mubalik sa GenSan alang sa pag-able sa bag-ong mga sala sa korte nga gipatukod.
Samtang, mitambong usab si Chief Justice Bersamin sa blessing ug turnover ceremony sa bag-ong expansion building sa Sarangani Hall of Justice, kung asa mainitong gidawat sa mga opisyal sa lokal nga panggamhanan ug mga hukom sa probinsya.
