GENERAL SANTOS CITY – Nagpahinumdum ang City Veterinary Office sa katawhan nga hangtud karon hugot nga gidili gihapon ang pagsulod sa mga pork products sa syudad gumikan sa bahad sa African Swine Fever (ASF).
Matud pa kang Dr. Emil Gargaran nga kini gumikan nagpabilin ang bahad sa ASF og dako ang epekto sa hog industry sa syudad oras nga makasulod sa dakbayan.
Gikadugang pa sa maong opisyal nga dili lamang mga processed pork products ang gidili nga makasulod sa dakbayan apan lakip ang mga buhing baboy .
Ang uban ang magpalusot sa buhing baboy gikan sa Malungon, Sarangani Province agi sa Upper Labay apan nadakpan gihapon.
Hangtud karon nagpabilin pa ang mga checkpoints aron masiguro nga walay makasulod nga pork products gikan sa mga lugar nga apektado sa ASF.
