GENERAL SANTOS CITY – Gihingusagan ni Dr. Antonio Marin, department head sa City Veterinary Office nga nakatutok karon ang ilang opisina sa pagpatuman sa hugot nga patakaran sa border batok sa African Swine Fever ( ASF).
Matud pa ni Dr. Marin nga kini human nga nakumpirma sa dihang migawas ang resulta nga negatibo ang tanang mga blood samples nga nakuha sa mga baboy sa mga lugar nga kasikbit sa Purok San Lorenzo Ruiz, nga maoy grounmg zero sa ASF.
Malaumon si Dr. Marin nga sa sunod nga mga adlaw may madakpan sila nga gapalusot og mga pork products .
Kahibaluan nga kapin sa 500 ka mga baboy ang gipailawom sa culling human nga nasuta nga may nagpositibo sa ASF ang samples nga gikuha sa mga baboy sa Purok San Lorenzo Ruiz, Apopong ning dakbayan.
Nasayod na ang City Vet sa mga modos operandi sa mga gapalusot og pork products hinungdan nga ilang hugot nga gitutukan.
