City Mayor Pacquiao nanghinaut nga mahuman na sa daling panahon ang Mabuhay Underpass

GENSAN – Angay nga dili malangan ang mga proyekto nga ipatuman. Kini ang gisiguro ni City Mayor Lorelie Pacquiao human nga nagkomento kalabot sa wala pa natapos nga konstruksyon sa Mabuhay Underpass.

Gibutyag sa mayor, lokal o national project man ang angayang diretso-diretso ang implementasyon og labing importante nga mahuman.

Gidugang niini nga ang mga problema nga nitumaw maoy nagpalangan sa pagtapos sa proyekto og kini ang angayang pangitaan og solusyon pinaagi sa pagtinabangay sa tanan.

Sa iyang pamahayag sa nasampit, nalikayan unta ang mga problema kung gipahigayon ang konsultasyon una pa gisugdan.

Nanghinaut si Mayor Pacquiao nga matapos sa daling panahon ang proyekto.