GENERAL SANTOS CITY – Bahala na ang City Legal Office sa pagsubay sa gihimong imbestigasyon sa Civil Security Unit.
Kini human giduso sa buhatan ni Danilo Ferrer ang resulta sa gipahigayon nila nga imbestigasyon kalabutan sa giingong mga ligid nga gipagawas sa compound sa City Engineers Office.
Gibutyag ni CSU Officer Eduardo Quiachon Jr nga ila nang na endorso sa buhatan ni Gensan Mayor Ronnel Rivera ang resulta sa gipahigayon nga imbestigasyon.
Gani migawas nga walay trip ticket ang sakyanan nga maneho ni Antonio Provido ang gitudlo nga nagmaneho sa pick-up nga nagkarga matud pa sa napulo ka mga ligid.
Matud ni Quiatchon nga Pebrero 18 sa buntag dihang nadawat sa buhatan sa Mayor ang papeles.
Gani human matud pa nagtakda ug napulo ka adlaw ang ilang labaw gilayon nila kining gituman hinungdan nga ilang gihuman ang imbestigasyon.
Kahinumduman nga gialegar ni Rey Orodio ang CSU nga nagbantay sa gate nga nagpagawas ug sakyanan nga walay trip ticket si Provido samtang nagkarga ug napulo ka mga ligid,.
