GENERAL SANTOS CITY – Nagpaklaro si Jail Supt. Metz Milton Placencia, jail warden sa Bureau of Jail Management and Penalogy (BJMP) sa city jail sa Lanton, Apopong ning suydad sa proseso sa commitment sa mga bilanggo sa maong prisohan.
Sa iyang pamahayag nga ang muabot nga bag-ong bilanggo ang ibutang sa laing selda sulod sa 21 ka adlaw.
Matud pa ni Placencia nga ang nahitabo nganong daghan ang nagpositibo sa COVID 19 sa city jail nga gumikan natakdan sa bag-ong nag-abot sa grupo sa 13 ka mga piniriso nga ang usa positibo sa virus.
Gipaklaro niini nga sa 73 ka mga piniriso lakip ang bag-ong miabot ang 52 ang positibo sa virus.
Gikadugang pa niini nga Mayo 3, 4 og 5, 2021 ang ilang schedule sa pagdawat og bag-ong piniriso og ang ulahing miabot ang maoy nakatakod sa unang gi-commite nga mga bilanggo .
Sumala pa sa maong opisyal nga anaa sa 1,258 ang katibuk-ang bilanggo sa city jail kung asa 400% ang congestion rate.
Gibutyag ni Placencia nga wala nagsagol sa mga kanhi mga piniriso ang mga nagpositibo sa COVID 19.
Sa pagkakaron hugot nga gimonitor sa mga nurse sa BJMP ang kahimtang sa mga nagpositibo sa COVID 19.
