GENERAL SANTOS CITY- Padayon ang pagbakuna sa mga senior citizen ug mga residente nga adunay comorbidities alang sa first dose gamit ang Astrazeneca alang sa mga residente sa San Isidro ug Barangay City Heigths ning syudad.
Nagpadayon nga vaccine rollout sa usa ka mall ning syudad.
Mismong ang nga health personnel sa City Health Office (CHO) ang maoy nagpasabot sa mga benipisyo sa bakuna lakip na ang side effects nga masinati-an sama sa pag-angkon ug kalintura , pagsakit sa ulo, ug pagpanakit sa maskulo apan dili matud pa kini angay kahadlukan tungod normal kini sa usa ka bakuna.
Tanan sa bakunahan ang miagi sa physical screening ug pangutan-on kalabut sa ilang kahimsog aron masiguro nga piskay atul sa pagdawat sa bakuna.
Pagkakaron gamit sa CHO ang nagkalain laing social media platforms ug flyers aron maabut ang publiko kalabutan sa benipisyo nga makuha sa bakuna.
Kinahanglan lamang niadtong magpabakuna nga magrehistro ug magbaton ug QR code pinaagi sa Trace and Protect Action Team (TAPAT) ug magtakda ug adlaw alang sa pagbakuna.
