Gianunsiyo sa China nga magpahamtang sila og 34 percent nga buwis sa tanan sa mga produkto gikan sa America.
Ang maong anunsiyo human nga ipatuman ni US President Donald Trump ang dugang nga taripa sa China nga muabot sa 34 percent gawas pa sa nauna nga 20 percent nga gipahamtang sa milabay nga mga bulan nga karon adunay katibuk-ang 54 percent.
Sumala sa Ministry of Finance sa China nga ang maong bag-ong buwis nga ipahamtang sa US ang magsugod sa Abril 10.
Una na usab nga nagpahamtang ang China og 15 percent nga taripa sa mga gi-angkat nilang coal og liquefied natural gas gikan sa US isip balos sa 10 percent nga ‘levies’ sa produkto sa China.
Dungan niini magpahugot matod pa ang China sa export controls sa mga nag-unang minerals og mga negosyo nga naglimita sa pagpakigbaylo sa US.
Una niini gisaway ni Trump ang China kung asa kalit matod pa sila nga nag-panic sa gipahamtang niya nga taas nga buwis.
