GENERAL SANTOS CITY – Makadugang ug kalagsik sa mga magtutudlo sa ilang inadlaw nga pagpanudlo ang nadawat nga tag usa ka celphone unit gikan sa lokal nga gobyerno sa syudad.
Kini ang nahimong pahayag ni GenSan School Division Supt. Rommel Flores dihang gisaksihan ang kamaya sa mga panagway sa mga magtutudlo tungod sa unang higayon nakadawat ug libre nga himan nga adunay dakong ikatabang sa online learnings.
Matud ni Florez nga wala nay rason nga dili maabot sa magtutudlo ang ilang mga estudyante alang lakip ang mga ginikanan tungod hitsas naman ug load alang sa tawag ug pag text.
Gipasalamatan niini ang inisyatiba sa LGU nga matubag ang usa sa problema nga giatubang karon sa DepEd panahon sa pandemya.
Nanghinaut usab ang DepEd nga maampingan ang naasoy nga mga himan nga mulungtad ug dugay aron mapuslan gayud sa mga esyudyante dili lamang ang mga magtutudlo.
