-- ADVERTISEMENT --
Gihimakak ni Palace Press Officer Atty Claire Castro ang pahayag ni Vice President Sara Duterte nga gikan sa Office of the Presidente ang report nga gipakatag sa social media nga siya milangyaw sa Kuwait.
Sa bag-uhay lang nahuman nga Press Briefing sa Malacanang gipamugos ni Castro nga edited videos ang gipakatag sa Office of the Vice President, busa siya ang nag-unang source sa fake news.
Una niini gipakita ni Castro ang pahayag ni VP Duterte nga gi-akusaran siya nga nagbiyahe sa gawas sa nasud nga wala mikuha sa travel authority ug gitawag niya kining “political scapegoating”.
Gipasalida usab ni Castro ang iyang press briefing sa naglabay nga mga adlaw aron pamatud-an nga sayop nga mga impormasyon ang nahuptan sa OVP.
