-- ADVERTISEMENT --
Napili si Carmelle Collado isip opisyal nga representante sa Pilipinas sa “Eurovision Song Contest Asia 2026” human niya mapildi ang siyam ka laing singers ug grupo atol sa Philippine Selection Night nga gipahigayon niadtong Domingo.
Nakuha ni Collado ang kadaugan pinaagi sa iyang performance sa awit nga “Sobra-Sobra,” nga maoy nakahatag kaniya sa oportunidad nga magrepresentar sa nasud sa internasyonal nga kompetisyon.
Makigkompetensya siya batok sa mga representante gikan sa nagkalain-laing nasod sa Asya, lakip ang Bhutan, Malaysia, Korea, Nepal, Laos, Thailand ug Bangladesh,ug daghan pang uban.
Gikatakdang ipahigayon ang Grand Finals sa Bangkok, Thailand sa Nobyembre 14.
