GENERAL SANTOS CITY – Dili angayang maalarma ang residente nga nagpuyo duol sa Barangay Fatima, Tambler, San Jose, Bawing, Calumpang, ug ubang lugar kung makakita ug daghang ambulansiya, firetrucks, ug mga emergency vehicle nga magbahis bahis sa kadalanan pasulod ug pagawas sa General Santos City Airport tungod magpahigayon ning adlawa ug drill.
Kini human nagpagawas ug abiso ang Civil Aviation Authority of the Philippines (CAAP) nga may full scale emergency simulation exercises sugod alas nueve sa buntag hangtud alas tres karong hapon.
Matud sa CAAP nga posebli nga maapektuhan ang mga flight ug madunggan ang mga ngawngaw sa siren ug uban pang tingog nga manukad sulod sa airport facility.
Gitambagan usab ang publiko nga kung makakita ug negatibu nga balita sa social media nga manukad sa airport dili lang tagdon tungod usa lamang kini ka paagi aron masiguro ang kaandam ug koordinasyon sa airport ug lokal emergency response team sa pag handle sa usa ka tinuod nga hitabo.
Paagi kini nga mabutang sa safety ang mga pasahero ug ubang pasilidad sa tugpahanan.
