-- ADVERTISEMENT --
GENERAL SANTOS CITY – Nakasuhan na ang usa ka babaye nga lima ka bulang mabdos human nga nasikop sa gipahigayong buy-bust operation sa ilang balay sa taga Labangal ning syudad.
Giila ang nasampit nga si Norie Lyn Makabangin, 32, Alias lenlen nga residente sa lugar.
Sa gihimong operasyon sa City Drug Enforcement Unit sa pagpanguna ni PSI Brent Ian Salazar, napalitan ang nasampit og usa ka sachet sa shabu nga kantidad ug P1,000 samtang narekober sa ilang balay ang .5 gramu sa shabu.
Nasayran nga nakasibat sa kamot sa kapulisan ang bana sa nasampit nga nailhan nga si Mama Makabangil, 33 anyos.
Pagkakaron, nagpabiling balhog sa selda sa Makar Police station ang maong mabdos.
-- ADVERTISEMENT --
