GENERAL SANTOS CITY – Magsugod na ning adlawa, Lunes, Mayo 15, ang Brigada Eskwela 2017.
Una nang nanawagan si DepEd-GenSan Schools Division Superintendent Gildo Mosqueda ngadto sa mga ginikanan ug estudyante nga muapil ug makiglambigit sa naasoy’ng cleaning maintenance sa mga pampublikong tulunghaan, aron nga pag-abot sa pag-able sa klase sa Hunyo 5, gilayon nang magsugod sa pagtudlo ug mga leksyon ang mga magtutudlo ug dili na kinahanglan pang manglimpyo sa mga lawak-tulunghaan.
Mulungtad kini hangtod Mayo 19, Biyernes, hinungdan nga may higayon pa ang tanan nga muapil.
Samtang, nanawagan usab si Mosqueda ngadto sa mga ginikanan nga ipa-enroll ang ilang mga anak.
Sumala pa nga angayang dili na hulaton ang klase una magpa-enroll sa mga estudyante.
Matud pa ni Mosqueda ngadto sa mga ginikanan nga ipa-enroll na ang ilang mga anak sa labing daling panahon, ug dili na paabuton pa ang unang adlaw sa klase, kung asa mahimong disturbo sa gaklase.
