GENERAL SANTOS CITY- Nanawagan sa business owners si Christian Mark Abarquez, labaw sa Business Permits and Licenses Division kon BPLD sa dakbayan sa Heneral Santos nga dili na hulaton ang ulahing adlaw sa pag renew sa ilahang mga permits aron nga dili mag dasok ang tawo.
Matud niya nga nagalaum ang ikahang buhatan nga maka renew ang tanan sa mga oermits tungod sukad miaging tuig mihatag usab sila ug extension hangtod January 31.
Dugang pa sa nasampit nga ang paghatag og dakong panahon igo na aron makabayad na sa ilahang mga business taxes.
Kasamtangan, base sa rekord kaniadtong 2023, aduna silay narehistro nga 12,630, samtang kaniadtong miaging semana ang katibuk-ang numero sa mga business registrants sa dakbayan ang mukabat sa 13,030 kini nagpasabot nga adunay pagsaka ug 400 nga mga establiemento ang bag-ong nagnegosyo sa syudad.
Samtang, nagtuo kini nga ilang na-hit ang target ug naglaum kini nga malampasan pa ang target nila sa sunod tuig.
