GENSAN – Magsugod na karong adlawa ang BOSS Ironman Challenge Mindanao Cup 2026 sa General Santos City, usa ka duha ka adlaw nga endurance event nga maghatag og moto-tourism experience ug camaraderie sa mga riders.
Giandam sa mga participants ang ilang lawas ug motor sa daghang semana, lakip na ang pagkaon ug diet, aron makaya ang hagit sa duha ka adlaw nga adventure. Usa sa mga andam na nga moapil mao si Kiril P. Benliro, “Iron Man Rider” gikan sa Caspiz, nga gi-emphasize ang kahinungdanon sa preparasyon ug safety sa tibuok biyahe.
Sugod sa General Santos City karong Enero 31, ang mga riders maglibot sa Mindanao pinaagi sa duha ka ruta nga magpasundayag sa kaanyag sa dagat, kabukiran, ug lokal nga kultura. Human sa duha ka adlaw nga adventure, mubalik ang tanan sa General Santos City sa Pebrero 1, 2026.
Ang Mindanao Cup karong tuiga gisuportahan sa LGUs, PNP, BFP, ug sa mga premium brands sama sa Motul, FDR Tires, KYT ug Suomy Helmets, YSS Suspension, SSS Sprockets, ug Alpinestars.
Gidisenyo ang event alang sa maximum nga 1,200 ka participants, ug ang kita ipahinungod sa BOSS outreach programs para sa mga komunidad nga naapektohan sa bagyo.
