GENERAL SANTOS CITY – Nagpasalamat ang Santo Niño Parish sa Bula ning syudad sa Bombo Radyo GenSan sa pagpahigayon og live streaming pinaagi sa Bombo Radyo GenSan Facebook page og gi-on air kada adlawng Domingo alas 6:00 sa buntag ang misa.
Sa natigayong misa kaganihang buntag nga gipangunahan ni Fr. Reynaldo Mission nga personal nga gipasalamatan ang Bombo Radyo GenSan sa pagpadangat sa mensahe sa Ginoo sukad nga natigayon ang krisis sa Covid 19 nga gidid-an ang musimba ang mga tawo aron makalikay sa virus.
Nasayran nga dili lamang misa kada adlawng Domingo nga gi-cover sa Bombo Radyo ang aktibidad sa simbahan apan lakip usab sa miaging semana santa.
Ang maong programa ang direktiba sa Bombo Radyo Philipppines ngadto sa tanang mga estasyonan sa tibook nasud ipadangat sa katawhan ang mensahe sa Ginoo bisag anaa sa sulod sa balay nga gidid-an makagawas tungod sa epedemnya.
Kahibaluan nga si Fr. Ricky Legario, ang parish priest Santo Niño Parish og ang laing pari nga gaserbisyo sa maong simbahan mao si Fr. Francisco Sulpicio.
