GENERAL SANTOS CITY- Hugot na ang pagpangandam sa sibyahanan alang sa nagkaduol na nga Bombo Bancarera: Sarangani Bay Festival 2018 edition.
Matigayon na kini sa Mayo 25, adlaw’ng Biyernes, sa Gumasa, Glan, Sarangani Province.
Kahibaluan nga anaan sa 40 ka mga banca riders gikan sa Soccsksargen, Cagayan de Oro, Iligan City, Surigao Del Sur, Cebu City, Mati Davao Oriental, Sta. Maria Davao City, Zamboanga Sibugay, ug uban pang lugar sa tibuok nasud, ang maglumba alang sa dagkong premyo.
Gumikan kini sa pagtaambayayong sa Bombo Gensan ug buhatan ni Sarangani Gov. Steve Chonbian Solon, kung asa P50,000 ang madawat sa magkampeon; P30,000 sa first runner up ug P20,000 ang sa second runner up.
Dili usab muuli nga luhaan ang mga dili makadaog, gumikan may madawat sila nga tig-P2,000 nga consolation prize.
Hinundgan nga giimbitahan ang tanan nga saksihan gayud ang maong programa sa Bombo, alayon sa SarBay Fest 2018, ang labing dakong beach festival sa Mindanao.
