GENERAL SANTOS CITY – Gihingusgan ni Atty. Rey Cartojano, co-anchor sa Duralex Sedlex sa Bombo Radyo GenSan nga adunay sayop ang Bureau of Internal Revenue (BIR) nga wala nasingil ang pamilyang Marcos sa estate.
Matud pa ni Atty. Cartojano nga final and executory na ang desisyon sa korte suprema nganong wala gihimo sa BIR ang ilang trabaho.
Gikadugang pa sa nasampit nga kompleto og resources ang gobyerno gawas pa nga dugay na nga wala sa pwesto ang pamilyang Marcos.
Angayang i-levy ang mga propiedad sa pamilyang Marcos og i-auction nga ang kita ang maoy ibayad sa estate tax.
Sa iyang pamahayag nga walay mahimo ang pamilyang Marcos kung i-sherrif ang ilang propiedad dayon i-auction.
Nasayran nga anaa sa P23 billion ang orihinal nga gisingil nga estate tax og nahimong P230 billion gumikan sa multa tungod kapin sa 20 ka tuig nga wala nakabayad.
