Padayon sa paglambo ug paghimo og kasaysayan ang BINI, iladong Nation’s Girl Group, human sa sunod-sunod nilang mga kalampusan sa international music scene.
Lakip sa ilang mga nahimo ang ilang Japan Summer Sonic debut ug ang nagpadayon nilang “Signals” World Tour, diin bag-o lang silang nagpasundayag sa Toronto ug gipuno sa ilang mga fans ang venue.
Nahimo usab ang BINI nga unang Filipino act nga mipasundayag sa Genius “Open Mic” stage, diin ilang gikanta live ang “A Parallel World,” soundtrack sa DreamWorks Animation film nga Forgotten Island.
Nahimo usab silang unang Filipino group nga nakapasundayag sa Coachella Valley Music and Arts Festival stage, nga giisip nga usa ka makasaysayanong milestone alang sa grupo ug sa OPM.
Samtang, nahimong hisgutan sa social media ang pahayag sa OPM legend nga si Celeste Legaspi atol sa usa ka interview bahin sa BINI ug sa ilang lebel sa kasikatan kumpara sa ubang grupo.
Apan alang sa mga fans, mas importante nga padayon nga gipaila ug gipalapdan sa BINI ang Filipino music ngadto sa international audience.
Padayon usab ang suporta sa mga fans samtang nangandam ang grupo alang sa sunod nilang mga concert sa Australia isip kabahin sa ilang “Signals” World Tour.
