Biden bisitahon ang mga naapektuhan sa Hurricane Milton

Gikatakdang bisitahon ni US President Joe Biden ang Florida nga naapektuhan sa Hurricane Milton.

Gibutyag niini nga sa adlaw nga Lunes ipahigayon ang pagbisita sa Florida human nga giigo kini sa sunod-sunod nga bagyo sa sulod sa duha ka semana.

Wala usab gibutyag sa White House kung unsa nga mga estado ang bistahon sa Pangulo.

Kahinumduman nga anaa sa 17 ka tawo na ang namatay tungod sa paghuros sa Hurricane Milton.

Wala usab malikayan ni Biden nga sawayon si Trump nga ginasaway ang ginahimo nilang pagresponde sa mga naapektuhan sa sunod-sunod nga bagyong Helene og Milton.