Giangkon ni Bureau of Immigration (BI) Commissioner Norman Tansingco nga dili pa opisyal nga napahibalo kaniya ang pagkatangtang sa puwesto.
Nag-ugat kini dihang diretsahang gipangutana ni Senate Majority Leader Francis Tolentino kung gihulipan na siya sa pwesto.
Sa pagdungog sa Senate Committee on Women and Children, gibutyag ni Tansingco nga pinaagi lamang sa media iyang nahibaw-an ang kalabut sa angay nga desisyon nga tangtangon siya sa posisyon.
Apan dihang gipangutana balik ni Tolentino kung nahatud na kaniya ang giluto nga pagpalagpot kaniya giangkon ni Tansingco nga nahibaw-an niini ang impormasyon pinaagi sa media.
Usa ang Bureau of Immigration sa mga ahensya sa gobyerno nga gisaway human makapahawa sa nasud si Alice Guo ug iyang igsuon kaniadtong Hulyo luyo sa gipagawas nga warrant of arrest sa Senado.
